Ysmygu

Ysmygu yw'r achos sengl mwyaf o salwch a ellir ei rwystro a marwolaeth gynamserol yn y DG.

Gwyddys fod smygu'n achosi canser yr ysgyfaint ac afiechyd y galon, ac mae'n cyfrannu i ystod o afiechydon a chyflyron eraill. Smygu yw prif achos canser yr ysgyfaint, yn gyfrifol am 90% o holl achosion canser yr ysgyfaint. Tybir bod 120,000 o bobl yn marw bob blwyddyn yn y DG o achosion sy'n gysylltiedig â smygu, yn cyfrif am ryw bumed ran o'r holl farwolaethau.

Yn 2002/03, roedd 26% o oedolion 16 oed a throsodd ym Mhrydain yn smygu sigaréts.

Mae ffigurau lleol o 2003 yn dangos bod 31.4% o boblogaeth Sir Ddinbych yn smygu; mae hyn yn uwch na chyfartaledd Cymru.

Bydd hanner rhai yn eu harddegau sy'n smygu nawr yn marw o afiechydon a achosir gan dybaco os byddant yn parhau i smygu. Bydd chwarter yn marw ar ôl 70 oed a chwarter cyn hynny, gyda'r rhai sy'n marw cyn 70 yn colli, ar gyfartaledd, 21 blwyddyn o'u bywyd. Amcangyfrifir y byddai 6 miliwn o Brydeinwyr, 60 miliwn o bobl yn fydeang, wedi marw o afiechydon cysylltiedig â thybaco.

Rhoi'r gorau i smygu

Gall smygwyr yn Sir Ddinbych sydd eisiau rhoi'r gorau iddi ddefnyddio Gwasanaeth Stopio Smygu Cymru Gyfan. Mae staff wedi eu hyfforddi'n arbennig yn cynnig cyfarwyddyd, cyngor a gwybodaeth ynghyd â mynediad i gynghori a grwpiau cefnogi ledled Cymru. Mae'r gwasanaeth yn hawdd i'w gyrchu; dim ond ffonio Gwasanaeth Stopio Smygu Cymru Gyfan ar 0800 085 2219 i ganfod ble mae'r gwasanaeth lleol a sut i ymuno â grŵp cefnogi.

I gael mwy o wybodath cliciwch yma

Beth sy'n digwydd pan 'rydych yn rhoi'r gorau i smygu

Rhowch y gorau i smygu a bydd eich corff yn dechrau trwsio'r niwed bron ar unwaith, gan ysgogi cyfres o newidiadau iechyd manteisiol sy'n para am flynyddoedd.

O fewn 20 munud mae eich pwysedd gwaed a chyfradd curiad y galon yn dychwelyd i normal. Ar ôl 8 awr mae lefelau nicotin a monocsid carbon yn y gwaed yn lleihau gan hanner a lefelau ocsigen yn dychwelyd i normal. Ar ôl 24 awr, bydd monocsid carbon wedi ei ddileu o'r corff a bydd yr ysgyfaint yn dechrau clirio mwcws a llanastr smygu arall allan.

Linciau i wefannau defnyddiol eraill